embla

 Davs!

Tvisvar í viku vorum við í ensku, náttúrufræði og svo dönsku en var þetta fyrsta árið okkar í dönskunni. Ég lærði auðvitað mjög mörg ný orð í dönsku. Við fengum kennslubók í dönsku sem heitir Klar Parat. Mér gekk ekki vel fyrst í dönsku, örugglega vegna of lítils metnaðs, en svo áttaði ég mig á að orðin hengdust bara við öxlina mína, fleiri og fleiri og myndu bíða eftir að þau yrðu lærð, fyrr eða síðar. Þegar ég var að fá hærri einkunnir í dönsku þá fannst mér mjög gaman.

 Gallinn var að við áttum að læra mjög mikið fyrir eitt dönskupróf. Betra væri að dreifa lærdómnum eða hafa prófið lengra meðað við hvað við lærðum mikið.

Mér finnst líka persónulega einu tungumálin sem ég þarf að læra séu íslenska og enska og læra bara meira þar þá, en ég reyni að vera opin.

Vi ses!

Á þessari önn var ég og hópurinn minn að læra um fugla. Ég byrjaði strax á því að gera glærur og það í forritinu Power point.

Ég fékk blað með upplýsingum og slóðum að netinu en notaði aðallega fuglavefinn á Náms.is. Svo fann ég myndir af Veraldarvefnum og Flickr.com.

Ég gerði um alla fuglaflokkana á Íslandi svosem Sjófugla og Vatnafugla.

Hér er verkefnið komið inn, verð að segja að ég sé afar stolt :-)

Undanfarið í 7. bekk, í fyrstu tveim tímum á föstudögum höfum við verið í hringekju í stærðfræði og farið á milli kennara.

Það hafa oftast verið þrautir hjá Auði, ljóð og mynstur til dæmis hjá Önnu og hjá Helgu höfum við gert margt tengt stærðfræði.

Mér finnst gaman að leysa þrautir en fæ þær fæstar réttar, en vitur maður sagði að æfingin skapar meistarann sem sannað hefur verið að sé rétt.

Mér finnst mynstur ekki það skemmtileg en elska að búa til ljóð og hef þau oftast þannig að þau rími.

 Hjá Helgu fórum við t.d. í fótbolta=mínus og plús spil, þrívídd en einnig fórum við að læra um kílómetra (t.d. milli London og Reykjavík). Ég er kannski ekki mikil dundur manneskja eins og með þrívíddina en mér fannst gaman að læra um kílómetra.

Mér fannst kostur hversu fjölbreytt verkefnin voru sem við vorum að gera en maður getur náttúrulega ekki haft áhua á öllu sem tengist stærðfræði.

Núna í 7. bekk byrjuðum við að læra um Tyrkjaránið og Hallgrímur Pétursson tengist því.

Svo þegar við vorum búin að læra um Tyrkjaránið byrjuðum við á Hallgrími Péturssyni. Við áttum að leita af upplýsingum á Wikipedia og á Rúv.is og byrja að skrifa í forritinu Word um hann! Það gerði ég og setti það síðan á Powerpoint, fann myndir og lagaði glærurnar. Það sem ég lærði nýtt af Náms.is var í fyrsta lagi að setja myndir af Google sem bakrunn, það kom ofur vel út! Og svo lærði ég að setja myndir af Powerpoint á glærurnar sem bakrunn en ég var búin að gleyma hvernig það var gert. Annað sem var kynnt á Náms.is var að setja "Layout" en þar var hægt að breyta hvar maður skrifaði textann og hvernig. Svo það sem mér fannst lang "svalast" var þegar ég lærði að setja hljóð á glærurnar sem ég sagði sjálf. En einnig það sem ég gerði til að læra meira var að skoða Powerpoint forritið dálítið sjálf og skoða nýja hluti sem Náms.is sagði ekki frá. Þar lærði ég t.d. að það er hægt að setja mismunandi hljóð inná eins og "Click" og "Bomb" og að þegar ein glæra er búin þá kemur hin glæran með stæl og kemur svona tígullega upp einhvernvegin.

Hér er síðan sem kynningin er á en ég mun setja myndbandið beint inná seinna.

Ég var að læra um heimsálfuna Evrópu.

Fyrsta sem mér fannst áhugavert var að fá að velja land og búa til glærur í Power point. Við gerðum einmitt það sama með Photo story og var það fínt þó ég sé meira fyrir Power point. Mín lönd voru Pólland (Power point) og Króatía (Photo story) sem eru meðal annars mín uppáhalds lönd hér í Evrópu og ég gjarnan vildi vita meira um þau lönd. Ég gerði kynningu fyrir bæði löndin sem ég valdi. 

Annað sem mér fannst gaman var að ég tók próf sem ég var mjög góð í og fékk 9,2 í einkunn.

 Mér fannst öll verkefnin skemmtileg í landafræði og þetta var mjög gaman en einnig áhugaverðasta efni að mínu mati í 7. bekk. Ég kynni fyrir ykkur löndin hér á síðunni.

Króatía = Ýttu endilega hér og fræðstu um Króatíu

Pólland = Ýttu endilega hér og fræðstu um Pólland

 Ég var að læra um árin 870 til 1490 í Íslandssögunni. Það sem mér fannst áhugaverðast var Enska öldin. Við lærðum um marga biskupa en sá sem mér fannst standa mest upp úr hét Guðmundur Arason og var oft kallaður Guðmundur góði. Hann var biskup á Hólum. Ástæðan fyrir því að ég valdi þennan biskup er því hann bar mikla mildi og mýkt. Hann var góður og ljúfur og vildi ekki sjá neinn þjást.

Í ensku, náttúru og samfélagsfræði vorum við að gera persónur í ensku, í náttúrufræði störnurnar og í samfélagsfræði, jarðvísindi. Satt best að segja fannst mér stjörnufræði skemmtilegast, enda held ég mikið uppá stjörnurnar. Persónan mín í ensku hét Rose Frank. Í stjörnufræði gerði ég um Neppann (Neptúnus) og í jarvísindum gerði ég um Grímsvötn. Fyrst var ég með Björk og Svövu. Í stjörnufræði var ég með Lísu og Rakeli og í jarðvísindum var ég bara með Lísu. Þetta var bara ágætt allt, ekkert eitthvað svaka leiðinlegt :) Við höfum farið held ég 3x áður í ensk, nátt og sam. Allt mjög fræðandi!

Við í 5. 6. og 7. bekk höfðum einn stærðfræðidag, 12 maí. Það var alveg svakalega gaman. Ég byrjaði hjá Auði en þar lærðum við að gera allt með fimmínur. Svo hjá Önnu áttum við að púsla saman kubbum eftir upplýsingum. Hjá Helgu áttum við að gera á blað, þrívíddarkubba. Næst hjá Írisi var bara venjulegt sudoku. Síðan hjá Petru var margföldunar þraut, maður kastaði grjónapúðum í hringi og ef maður hitti kannski í hring sem á stóð 3 og svo 6 þá fengum við 3x6 stig og við áttum að ná í 999 en minn hópur náði bara 250. Í næstu stöð lærðum við nýjan kapal sem var alveg ágætur en ég fattaði hann ekki fyrst. Svo fórum við til Elínrósar og þar við margt um Pýþagóras. Hjá Björgu gerðum við prósentur og fleira skemmtilegt á blað. Hjá Svövu gerðum við á blað hnit. Í tölvunum hjá Jens þá fórum við í námsgagnastofnum og fórum þar í hliðrun, speglun og hnit. Mér fannst gaman í öllum stöðunum en verst gekk mér í sudoku og í kapli.

Ég var í þemaviku í skólanum með 5., 6. og 7. bekk. Við fjölluðum um 5 heimsálfur. Mér fannst margt áhugavert. Í Suður-Ameríku fannst mér Inkarnir og heimkynni þeirra áhugaverðast. Í Afríku fannst mér áhugaverðast að læra um Afríku almennt t.d. malaríu sem það finnst. Í Ástralíu fannst mér áhugaverðast að læra um boomerang og búa boomerang til eins og í Norður-Ameríku. Boomerang var tæki sem þ.á.m. var notað til að veiða. Í Norður-Ameríku fannst mér áhugaverðast að búa til draumafangara og að fá að vita smá um hann en draumafangari er skraut sem menn trúðu á að myndi ná martröðum burt og er búið til í Norður- Ameríku. Í Asíu fannst mér áhugaverðast að læra um kínverska tónlist og að kynnast henni. Í þemavikunni beið alltaf ný og spennandi verkefni. Það var mjög gaman í flestum heimsálfunum enda gott efni ti þess að fjalla um.